ÜMUMMİLLİ LİDER HEYDƏR ƏLİYEVİN MƏZARINI VƏ ŞƏHİDLƏR XİYABANINI ZİYARƏT

17.06.2008 [17:45]
Çap et
A⁺ A^-

AZƏRTAC xəbər verir ki, ölkəmizdə səfərdə olan Türkiyə Böyük Millət Məclisinin sədri Köksal Toptan xanımı ilə birlikdə iyunun 17-də Fəxri xiyabana gələrək, müstəqil Azərbaycan dövlətinin qurucusu, ümummilli lider Heydər Əliyevin əziz xatirəsini anmış, məzarı önünə əklil qoymuşdur.

Hörmətli qonaq görkəmli oftalmoloq alim, akademik Zərifə xanım Əliyevanın məzarı önünə də gül dəstələri düzmüşdür.

X X X

Şəhidlər xiyabanını da ziyarət edən Köksal Toptan Azərbaycanın azadlığı, müstəqilliyi və ərazi bütövlüyü uğrunda canlarından keçmiş qəhrəman oğul və qızlarımızın məzarları üzərinə güllər düzmüş, “Əbədi məşəl” abidəsi önünə əklil qoymuşdur.

Qonaq buradan Bakının mənzərəsini seyr etmişdir.

Sonra şəhid türk əsgərlərinin şərəfinə ucaldılmış abidənin önünə əklil qoyan Türkiyə Böyük Millət Məclisinin sədri Köksal Toptan burada şərəf kitabına ürək sözlərini yazmışdır.

Qonaqları Milli Məclis sədrinin birinci müavini, təhlükəsizlik və müdafiə məsələləri daimi komissiyasının sədri Ziyafət Əsgərov muşayiət etmişdir.

######