UNEC-in ictimai həyatında fəal iştirak edən gənclər fəxri fərmanla təltif olunub
Bakı, 2 fevral, AZƏRTAC
Azərbaycan Dövlət İqtisad Universitetində (UNEC) Yaradıcılıq Mərkəzinin birgə təşkilatçılığı ilə 2 fevral - Gənclər Günü qeyd olunub.
UNEC-dən AZƏRTAC-a bildirilib ki, tədbirdə tələbələrlə iş üzrə prorektor Səadət Qəndilova dövlət gənclər siyasətinin uğurlu inkişafından söz açıb. Ulu Öndərin yürütdüyü və miras qoyduğu gənclər siyasətinin hazırda Azərbaycan Prezidenti tərəfindən uğurla həyata keçirildiyini deyən prorektor gənclərin fəal olmasının və vətənimiz üçün çalışmasının zəruriliyini vurğulayıb.
Sonra universitetin ictimai həyatında fəal iştirak edən tələbələr fəxri fərmanla təltif olunublar.
Tədbir tələbələrin ifasında musiqili konsertlə davam edib.
Bölmənin digər xəbərləri
