UŞAĞIN CİNSİ ANANIN QİDALANMASINDAN ASILIDIR
AZƏRTAC xəbər verir ki, Britaniya alimlərinin fikrincə ki, mayalanma dövründən əvvəl və hamiləliyin ilk aylarında qadının qidalanması uşağın cinsinə təsir göstərə bilər. Tədqiqatlar göstərmişdir ki, yüksəkkalorili qida və müntəzəm səhər yeməyi oğlan doğulması şansını artırır.
Tədqiqatlar zamanı mayalanmadan əvvəl və hamiləliyin ilk aylarında 740 qadının adi menyusu öyrənilmişdir.
Alimlər müəyyən etmişlər ki, dünyaya oğlan uşaqları gətirən qadınlar gün ərzində orta hesabla 2413 kalori, qız uşaqları doğanlar isə 2283 kalori qəbul edirdilər. Bundan başqa, oğlan uşaqları doğan qadınlar çoxlu miqdarda müxtəlif qida qəbul edirdilər. Onların qida rasionuna həm də kalium, kalsium, C,E və B12 vitaminləri daxildir. Alimlər oğlanların doğulmasında səhər yeməyində qəbul edilən sıyıqların rolunu xüsusilə vurğulayırlar.
Tədqiqatçılar təsdiq edirlər ki, uşağın cinsinin qidadan asılılığı mexanizmi qədim vaxtlardan bəri fəaliyyət göstərərək, aclıq dövründə təzə doğulan oğlanların sayını azaldır, çünki oğlan uşağını qarnında gəzdirmək və yedizdirmək qadın orqanizmindən qızlara nisbətən daha çox enerji məsrəfi tələb edir. Həmin mexanizm həşəratda və bir çox məməlilərdə - atlarda, inək və marallarda da müşahidə olunur.
Bölmənin digər xəbərləri
