UŞAQ RƏSMLƏRİ MÜSABİQƏSİNDƏ PENSİYAÇI QADIN QALİB GƏLMİŞDİR

13.06.2006 [18:14]
Çap et
A⁺ A^-

AZƏRTAC xarici KİV-lərə istinadla xəbər verir ki, uşaq rəsmləri müsabiqəsində 70 yaşlı qadın qalib gəlmişdir. Müsabiqə Disney studiyası tərəfindən “Bembi” cizgi filminin yeni variantının reklamı üçün Almaniyada təşkil olunmuşdu.

Əvvəlcə ancaq uşaqların çəkdikləri şəkilləri qəbul etmək qərara alınmışdı. Lakin münsiflər heyəti 70 yaşlı Yeva Şikenderin maral balası şəklinə biganə qala bilməmişdir. Məsələ bundadır ki, rəsm 1946-cı ildə cizgi filminin orijinal variantı ekrana çıxandan sonra çəkilmişdir. Yeva elə o vaxtdan cizgi filmindəki maral balasının pərəstişkarı olmuşdur. O, şəkli ağ-qara rəngdə çəkmişdir, çünki müharibədən sonrakı Almaniyada rəngli karandaş tapmaq, demək olar, mümkün deyildi.

Müsabiqədə qalib gələn nənə məşhur cizgi filminə 4 bilet qazanmışdır.