“Vüqar Həşimov” şahmat klubu təsis edilib
Bakı, 26 aprel, AZƏRTAC
Azərbaycanın məşhur şahmatçısı, mərhum qrossmeyster Vüqar Həşimovun adını daşıyan klub təsis edilib.
AZƏRTAC xəbər verir ki, Vüqar Həşimov Şahmat Fondu tərəfindən təsis olunan klubun heyətinin formalaşdırılmasına başlanıb. İlkin danışıqlardan sonra Azərbaycan millisinin üzvləri Rauf Məmmədov və Qədir Hüseynov komanda yoldaşlarının adını daşıyan klubda çıxış etməyə razılıq veriblər. Şahmatçılar Vüqar Həşimov klubunda mübarizə aparmağı özlərinə borc bildiklərini deyiblər.
“Vüqar Həşimov” klubu Monteneqroda keçiriləcək Avropa Çempionlar Kubokunda çıxış edəcək. Klubun tam heyəti yaxın günlərdə ictimaiyyətə açıqlanacaq.
Bölmənin digər xəbərləri
