XALQ ŞAİRƏSİNİN ŞƏXSİ FONDU ZƏNGİNLƏŞDİRİLMİŞDİR

08.11.2003 [23:24]
Çap et
A⁺ A^-

Bir necə il əvvəl xalq şairəsi Mirvarid Dilbazinin Azərbaycan Dövlət Ədəbiyyat və İncəsənət arxivində şəxsi fondu yaradılmışdır. Həmin fondda şairənin yaradıcılığının müəyyən hissəsi əlyazmalar şəklində öz əksini tapmışdır.

Arxivdən AZƏRTAC-a bildirmişlər ki, bu günlərdə isə Mirvarid Dilbazinin fondu bir qədər də zənginləşdirilmişdir. Şairənin yeganə varisi Xatirə xanım onun 100-dən çox şerinin əlyazmalarını müxtəlif vaxtlarda yazılmış xatirə və məqalələrini arxivə təqdim etmişdir. Sənədlər arasında Mirvarid xanımın respublikamızın görkəmli şəxsiyyətləri haqqında xatirələri də maraq doğurur. Şairənin müasirləri olan yazıçı və sənət adamları ilə çəkdirdiyi fotoşəkillər, ona hədiyyə olunan kitablar da sənədlər arasındadır.

Ədəbiyyatımızın tədqiqatçıları üçün Mirvarid Dilbazinin şəxsi fondunda qorunub saxlanılan həmin sənədlər qiymətli mənbədir.