XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
Avqust 11-də erməni separatçı rejimi tərəfindən işğal edilmiş Azərbaycanın Dağlıq Qarabağ bölgəsində ermənilər tərəfindən keçirilməsi nəzərdə tutulan “prezident seçkiləri” ilə əlaqədar Türkiyənin xarici işlər nazirliyinin mətbuat katibi Yusif Bulunç bəyanatla çıxış etmişdir.
Bəyanatda Ermənistan-Azərbaycan, Dağlıq Qarabağ münaqişəsinin Qafqazda sülhə və region dövlətləri arasında işbirliyinin qurulmasına ciddi əngəl olması qeyd edilmişdir. Bildirilmişdir ki, Türkiyə münaqişənin Azərbaycanın ərazi bütövlüyü çərçivəsində, təsbit olunmuş beynəlxalq hüququn norma və prinsipləri əsasında sülh yolu ilə həllinin tərəfdarıdır. Bəyanatda daha sonra Azərbaycanın işğal edilmiş Dağlıq Qarabağ bölgəsində keçirilməsi nəzərdə tutulan “prezident seçkiləri” beynəlxalq hüquqa və ATƏT-in prinsiplərinə etinasızlıq kimi dəyərləndirilmişdir. “Seçkilər”in həmçinin münaqişənin sülh yolu ilə həllinə yönələn səylərə öz mənfi təsirini göstərəcəyi və qeyri-qanuni sayılacağı və heç bir hüquqi nəticələr yaratmayacağı xüsusilə qeyd edilmişdir.
Bölmənin digər xəbərləri
