YAP AĞDAŞ RAYON TƏŞKİLATININ KONFRANSI KEÇİRİLMİŞDİR
AZƏRTAC xəbər verir ki, Yeni Azərbaycan Partiyası (YAP) Ağdaş rayon təşkilatının növbəti konfransı keçirilmişdir. Tədbir iştirakçıları əvvəlcə ulu öndər Heydər Əliyevin Ağdaş şəhərindəki abidəsinin önünə əklil və gül-çiçək dəstələri qoymuşlar.
Konfransda Yeni Azərbaycan Partiyasının yaradıcısı Heydər Əliyevin xatirəsi bir dəqiqəlik sükutla yad olunmuşdur.
YAP Ağdaş rayon təşkilatının sədri Cavid Osmanov ötən ilin martında keçirilmiş V konfransdan keçən dövr ərzində görülmüş işlər, qazanılmış uğurlar və qarşıdan gələn prezident seçkilərinə hazırlıqla bağlı məruzə etmişdir. Partiyanın rayonda aparıcı siyasi qüvvəyə çevrildiyini deyən C.Osmanov ötən konfransdan bəri partiya sıralarına 1.106 nəfərin daxil olduğunu və üzvlərin sayının 10 min 113 nəfərə çatdığını bildirmişdir. Üzvlərdən 5.208 nəfəri (51,5 faizi) qadınlar, 4.331 nəfəri (42,8 faizi) gənclərdir.
Məruzədə vurğulanmışdır ki, rayon təşkilatı prezident seçkilərinə ciddi hazırlaşır. Görülən işlər Seçki Məcəlləsinə uyğun aparılır. İcra orqanları qarşısında qoyulan tapşırıqlar uğurla yerinə yetirilir. YAP fəallarından ibarət qruplar yaradılmış, onların köməyi ilə treninqlər keçirilmiş, dairə və məntəqə seçki komissiyalarında fəaliyyət göstərəcək əsas və məşvərətçi səs hüququna malik olan YAP üzvləri maarifləndirilmiş, fəallardan müşahidəçilər seçilmiş, onların təlimatlandırılmasına başlanmışdır. Seçici siyahıları dəqiqləşdirilmişdir.
Ağdaş Rayon İcra Hakimiyyətinin başçısı Rafiq Niftəliyev, YAP idarə heyətinin üzvü Kərim Kərimov, YAP Mərkəzi Aparatının məsul işçisi Qalib Əsgərov partiyanın rayon təşkilatının doğru yol tutaraq nizamlanmış fəaliyyət göstərməsini yüksək qiymətləndirmiş, prezident seçkiləri ilə bağlı qarşıda duran vəzifələrdən, görüləcək işlərdən danışmışlar. Məsələ ilə bağlı müvafiq tövsiyə və tapşırıqlarını verən natiqlər builki seçkilərdə də YAP-ın alternativsiz namizədi İlham Əliyevin qələbə qazanacağına əmin olduqlarını bildirmişlər.
YAP-ın VI qurultayına 9 nümayəndə seçilmişdir.
Bölmənin digər xəbərləri
