Yeni Zelandiya İraqda qeyri-döyüş missiyasını 2020-ci ilin iyununda başa vuracaq
Tokio, 10 iyun, AZƏRTAC
Yeni Zelandiya İraqda qeyri-döyüş missiyasını 2020-ci ilin iyununda başa vuracaq.
AZƏRTAC xəbər verir ki, bu barədə Baş Nazir Casinda Ardernin Xarici İşlər naziri Uinston Piters və Müdafiə naziri Ron Mark ilə birlikdə imzaladığı və hökumətin saytında dərc edilən bəyanatda bildirilir.
Bəyanatda deyilir: “Yeni Zelandiya İraqın Taci hərbi kompleksində qeyri-döyüş missiyasını 2020-ci ilin iyununda, baza hazırlığı tamamilə İraq təhlükəsizlik qüvvələrinə təhvil verildikdən sonra başa çatdırcaq”.
Bildirilir ki, hazırda İraqda Yeni Zelandiyanın 95 hərbçisi var. Nazirlər Kabinetinin qərarına əsasən, bu rəqəm 2019-cu ilin iyulunda 75 nəfərə, 2020-ci ilin yanvarında 45 nəfərə enəcək.
Bəyanatda, həmçinin qeyd edilir ki, Yeni Zelandiya hərbçiləri 2015-ci ildən avstraliyalı həmkarları ilə birlikdə İraq silahlı qüvvələrinin hazırlıqları ilə məşğul olublar. Ötən müddətdə Taci düşərgəsində 44 min iraqlı hərbçi hazırlanıb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
