Yunanıstan qrip epidemiyası ilə üzləşib
Afina, 6 fevral, AZƏRTAC
Yunanıstan hökuməti ictimaiyyəti qripə qarşı profilaktikaya riayət etməyə çağırıb. Profilaktika - nəfəs orqanların müdafiəsi, qapalı, adamların çox olduqları yerlərə daxil olmamaq, qripə qarşı peyvənd edilməsini nəzərdə tutur.
AZƏRTAC xəbər verir ki, Yunanıstan Xəstəliklərin Profilaktikası və Xəstələrə Nəzarət Mərkəzinin (KEELPNO) məlumatına əsasən, ilin əvvəlindən qripdən 18 nəfər həlak olub, 112 nəfər reanimasiyaya yerləşdirilib.
KEELPNO mərkəzinin epidemiologiya şöbəsinin rəhbəri Teano Qearqakopulu “Kathemerini” nəşrinə bildirib ki, yaxın iki həftəyə qrip özünün aktivliyinin zirvəsinə çatacaq. Ekspertlərin fikrincə bu il qripdən ölənlərin sayının artması daha təhlükəli virusun A (H1N1) yayılması ilə əlaqədardır.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
