YUNANISTANIN MİLLI TURİZM TƏŞKİLATININ BAŞ KATİBİ İRAKLİS VALVİS AZƏRBAYCAN TURİZM İNSTİTUTUNUN QONAĞI OLMUŞDUR
AZƏRTAC xəbər verir ki, ölkəmizdə səfərdə olan Yunanıstanın Milli Turizm Təşkilatının baş katibi İraklis Valvis iyunun 18-də Azərbaycan Turizm İnstitutunun (ATİ) qonağı olmuşdur.
ATİ-nin rektoru Cəfər Cəfərov qonaqlara ATİ-nin Yunanıstanın qabaqcıl təhsil ocaqları ilə əlaqələrindən danışmış, uğurla davam edən tələbə mübadiləsi proqramından məmnun olduğunu bildirmişdir.
C.Cəfərov vurğulamışdır ki, turizm sahəsində öncül ölkələrin sırasında olan Yunanıstanın təcrübəsinin mənimsənilməsi ATİ üçün çox əhəmiyyətlidir.
Azərbaycanda ilk dəfədir ki səfərdə olduğunu vurğulayan İraklis Valvis turizmin ölkələri, insanları birləşdirməkdə, mədəniyyətlərin öyrənilməsində böyük rolunun olduğunu demişdir. Qonaq Azərbaycanda sırf turizm sahəsinə aid olan təhsil müəssisəsinin fəaliyyət göstərməsinin Azərbaycanda turizmin inkişafına dövlət tərəfindən real dəstək olacağını söyləmişdir.
Görüş zamanı ATİ-nin Yunanıstanın turizm təhsil ocaqları ilə əməkdaşlıq imkanları, tələbə-müəllim-işçi mübadiləsinin həyata keçirilməsi, ATİ tələbələrinin Yunanıstanda təcrübə keçmək imkanları haqqında əməkdaşlıq etmək sahəsində ilkin razılaşma əldə edilmişdir.
Bölmənin digər xəbərləri
