Pərixanım Mikayılqızı “Yazıçı və şairlər koronavirusla mübarizə edir” aksiyasına qoşuldu
Bakı, 22 aprel, AZƏRTAC
İnsanları koronavirus (COVID-19) infeksiyasından xilas etməyə çalışan qəhrəman həkimlərimizə növbəti alqış Bakı Şəhər Mədəniyyət Baş İdarəsi Yasamal rayon Mərkəzlədirilmiş Kitabxana Sisteminin M.Ş.Vazeh adına Mərkəzi Kitabxanasının fəxri oxucusu yazıçı-publisist, şairə Pərixanım Mikayılqızındandır.
Bu barədə AZƏRTAC-a kitabxanadan məlumat verilib. Pərixanım Mikayılqızı “Ay gözəl həkimlər, gözəl həkimlər” şeiri ilə “Kitabxana - koronavirusa YOX deyir!” layihəsi çərçivəsində “Yazıçı və şairlər koronavirusla mübarizə edir” aksiyasına qoşulub.
Pərixanım Mikayılqızı 2007-ci ildən Firidun bəy Köçərlinin yaradıcılığının tədqiqi ilə məşğuldur. O, ədibin “Əsərləri” və “Balalara hədiyyə” kitablarını, daha sonra yaradıcılığına həsr edilmiş “Ümmətdən-millətə doğru” elmi əsərini nəşr etdirib.
İki şeirlər kitabı daxil olmaqla Pərixanım Mikayılqızı altı kitab müəllifidir. Onun 80-dan çox elmi və publisistik məqaləsi müxtəlif mətbuat orqanlarında dərc olunub. Hazırda “Elm və təhsil” qəzetinin baş redaktorudur.
Bölmənin digər xəbərləri
