AZƏRBAYCANIN CÜDO ÜZRƏ PARALİMPİYA MİLLİ KOMANDASI DÜNYA ÇEMPİONU OLMUŞDUR
Bakı, 29 mart (AZƏRTAC). Türkiyənin Antalya şəhərində martın 25-də start götürmüş cüdo üzrə dünya çempionatı başa çatmışdır.
Yarışmada daha yaxşı nəticə göstərən Azərbaycanın cüdo üzrə paralimpiya milli komandası dünya çempionu olmuşdur.
Milli Paralimpiya Komitəsinin mətbuat xidmətindən bildirmişlər ki, şəxsi birincilikdə idmançılarımızdan Afaq Sultanova 57 kiloqram çəki dərəcəsində, İlham Zəkiyev + 100 kiloqram çəki dərəcəsində qızıl, Ramin İbrahimov (60 kq), Natiq Novruzzadə (73 kq), Rövşən Səfərov (81 kq) isə bürünc medallara sahib olmuşlar.
Paralimpiyaçı cüdoçularımız komanda yarışında Rusiya millisinə 3:2 hesabı ilə qalib gələrək dünya çempionu adını qazanmışlar.
Bölmənin digər xəbərləri
