DÜNYA


Slovakiyada prezident seçkilərinin ilk turunda Zuzana Çaputova qalib gəlib

Bratislava, 17 mart, AZƏRTAC

Martın 16-da Slovakiyada keçirilən prezident seçkilərinin ilk turunda hüquqşünas Zuzana Çaputova 38,92 faiz səs toplayaraq qalib gəlib.

AZƏRTAC xəbər verir ki, Avropa Komissiyasının vitse-prezidenti Maroş Şefçoviç 18,9 faiz, keçmiş ədliyyə naziri və Ali Məhkəmənin sabiq rəhbəri Ştefan Harabin isə 14,5 faiz səs toplayıblar.

Seçkilərdə ölkənin səsvermə hüququna malik dörd milyon seçicinin 46,04 faizi iştirak edib.

Beləliklə, Slovakiyada prezident seçkilərinin ikinci turunda mübarizə Z.Çaputova ilə M.Şefçoviç arasında olacaq. İkinci tur mart ayının 30-da keçiriləcək.

Elgün Niftəli

AZƏRTAC-ın xüsusi müxbiri

Bratislava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.