CƏMİYYƏT
® “Agroland” istixana kompleksində yeni mövsümə hazırlıq işlərinə başlanılıb
![](/files/galleryphoto/2022/3/1200x630/16629874301057321266_1200x630.jpg)
![](/files/galleryphoto/2022/3/1200x630/16629874303101954017_1200x630.jpg)
![](/files/galleryphoto/2022/3/1200x630/16629874304656438805_1200x630.jpg)
2017-ci ildə fəaliyyətə başlamış AGROLAND istixana kompleksi Azərbaycanda ən böyük istixana hesab edilir. Yüksək sort tərəvəzlərin becərilməsində xüsusi - yeni texnologiyaların istifadəsi - müəssisənin əsas prinsiplərindən biridir. İstixanada iqlimin idarə edilməsi (iqlimləndirmə) prosesi avtomatlaşdırılmış formada baş verir. Bu o deməkdir ki, istixananın daxilində istilik dərəcəsi və ya nəmlik hər hansı bir tərəvəzin yetişməsi üçün normadan aşağı və ya yuxarıya doğru dəyişərsə, həmin an avtomatik şəkildə xüsusi qurğular işə düşüb, temperaturu və nəmliyi tənzimləyir.
Hazırda istixanada yeni mövsümə hazırlıq işləri getməkdədir. Belə ki, istixana kompleksinin divarları yenilənib, içi isə ilkin olaraq xüsusi dezinfeksiya vasitələri ilə təmizlənir, dezinfeksiya olunur və bundan bir müddət sonra yeni şitillər əkilir. İstixanada tozlanma prosesi tamamən xüsusi arılar vasitəsilə həyata keçirilir.