"Mançester Siti"nin baş məşqçisi Xosep Qvardiolada koronavirus aşkarlanıb
Bakı, 6 yanvar, AZƏRTAC
"Mançester Siti"nin baş məşqçisi Xosep Qvardiolada koronavirus aşkarlanıb.
AZƏRTAC xəbər verir ki, bu barədə klubun rəsmi saytı məlumat yayıb. O, İngiltərə kuboku yarışları çərçivəsində yanvarın 7-də “Suindon Taun”la keçiriləcək matçı buraxacaq.
X.Qvardiolanın köməkçisi Xuan Manuel Lilloda da koronavirusa yoluxub. Hər iki mütəxəssis komandadan təcrid olunub. Klubda ümumilikdə 21 nəfər karantinə alınıb, onlardan 7-si əsas komandanın oyunçusudur.
Premyer Liqanın turnir cədvəlinə 21 turdan sonra 53 xalla “Mançester Siti” başçılıq edir. İkinci yerdə - "Çelsi" (43), üçüncü pillədə isə "Liverpul" (42) qərarlaşıb.
Bölmənin digər xəbərləri
