A Seriyasının rəhbərliyi 21-ci turun bütün görüşlərinin vaxtında keçiriləcəyinə əmindir
Bakı, 7 yanvar, AZƏRTAC
İtaliya çempionatının oyunları üçün yeni şərtlər qəbul edən A Seriyasının rəhbərliyi 21-ci turun bütün görüşlərinin vaxtında keçiriləcəyinə əmindir.
AZƏRTAC xəbər verir ki, bu barədə İtaliya mətbuatı məlumat yayıb. Avrokubok turnirləri üçün UEFA qaydalarına əsaslanan yeni "təhlükəsizlik protokolu"na görə, komandada ən azı 13 sağlam futbolçu olacağı təqdirdə, matç keçirilə bilər. Əks halda, komanda matça çıxmasa ona 0:3 hesablı texniki məğlubiyyət veriləcək.
A Seriyasında növbəti tur yanvarın 9-na - beş günlük karantinin son gününə planlaşdırılıb.
Seriya rəhbərliyi turun bütün 10 qarşılaşmasının planlaşdırıldığı kimi - bazar günü baş tutacağına əmindir və əks-təqdirdə Səhiyyə Nazirliyini məhkəməyə verəcək.
Bölmənin digər xəbərləri
