ABŞ HAVA YOLLARI ŞİRKƏTİ SON İKİ GÜNDƏ 1470 UÇUŞU TƏXİRƏ SALIB
AZƏRTAC xarici mətbuata istinadla xəbər verir ki, aprelin 10-da və 11-də Amerika Birləşmiş Ştatları aviassiyasının tarixində təəccüb doğuran hadisə baş vermişdir.
Aprelin 10-da 900 uçuşu təxirə salmış ölkənin ən böyük aviakompaniyası Amerikan Hava Yolları şirkətindən bildirmişlər ki, ayın 11-də daha 570 uçuş təxirə salınmışdır. Uçuşların təxirə salınmasının səbəbi kimi MD-80 tipli 300 təyyarənin yenidən yoxlanmaya ehtiyacının olması göstərilir.
Amerikan Hava Yollarının Baş direktoru aprelin 10-da jurnalistlərə açıqlamasında demişdir ki, təxirə salmalar şirkətə on milyonlarla dollar ziyan vuracaqdır.
Şirkətdən bildirmişlər ki, MD-80 təyyarələri aprelin 12-dən etibarən müsafirlərin xidmətində olacaqdır.
Bölmənin digər xəbərləri
