Ağcabədidə 5793,2 hektar sahədə yazlıq səpin həyata keçirilib
Ağcabədi, 8 aprel, AZƏRTAC
Ağcabədi rayonunda yaz-tarla işləri geniş vüsət alıb. Fermer və torpaq mülkiyyətçiləri əkin-səpin aparır, torpağa və bitkilərə lazımi aqrotexniki qulluq edirlər.
Rayon Statistika İdarəsinin rəisi Elsevər İsmayılov AZƏRTAC-ın bölgə müxbirinə bildirib ki, bu günədək 5793,2 hektar sahədə yazlıq səpin həyata keçirilib. Əkinlərin 131 hektarı yazlıq buğda, 68 hektarı qarğıdalı, 533 hektarı şəkər çuğunduru, 174,5 hektarı kartof, 733,7 hektarı tərəvəz, 5 hektarı bostan bitkiləri, 4148 hektarı təzə yoncadır.
Hazırda sahələrdə yaz-tarla əkinləri davam edir. Pambıqçılıqla məşğul olan fermerlər çiyid səpininə hazırlaşır. Rayonda ötən ilin payızında səpilmiş taxıl əkinlərinin becərilməsi də müvəffəqiyyətlə həyata keçirilir.
Bölmənin digər xəbərləri
