AĞSTAFA RAYON MƏRKƏZİ XƏSTƏXANASI ƏSASLI TƏMİRDƏN SONRA İSTİFADƏYƏ VERİLMİŞDİR
AZƏRTAC-ın müxbiri xəbər verir ki, mayın 14-də ulu öndər Heydər Əliyevin 85 illik yubileyi ilə əlaqədar Ağstafa rayon mərkəzi xəstəxanası əsaslı təmirdən sonra yenidən sakinlərin istifadəsinə verilmişdir.
Bu münasibətlə keçirilən mərasimdə səhiyyə naziri Oqtay Şirəliyev və Ağstafa Rayon İcra Hakimiyyətinin başçısı Elxan Usubov açılışı bildirən rəmzi qırmızı lenti kəsdikdən sonra toplantı iştirakçıları 150 çarpayılıq, müasir Avropa standartlarına uyğun yenidən qurulmuş 2 mərtəbəli xəstəxana binası ilə tanış olmuşlar. Məzkəzi xəstəxana təmirdən sonra müasir tibbi avadanlıqla da təchiz edilmişdir.
Xəstəxana ilə tanışlıqdan sonra həkim və tibb işçiləri ilə görüşən nazir O.Şirəliyev Ağstafada müasir tələblərə cavab verən belə bir xəstəxananın istifadəyə verilməsindən sonra bütün xəstələrin burada şəfa tapacağına əmin olduğunu bildirmişdir.
Xəstəxananın kollektivi yaradılan şəraitə görə Prezident İlham Əliyevə minnətdarlıqlarını bildirmişdir.
Bölmənin digər xəbərləri
