ADY: Ötən ay 1,6 milyon tondan çox yük daşınıb
Bakı, 8 iyun, AZƏRTAC
“Azərbaycan Dəmir Yolları” QSC (ADY) 2026-cı ilin may ayında 1,6 milyon tondan çox yük daşıyıb ki, bu da ötən ilin eyni dövrü ilə müqayisədə 23 faiz çoxdur.
ADY-dən AZƏRTAC-a bildirilib ki, qeyd olunan dövrdə tranzit daşımaları 700 min tonu ötərək keçən ilin göstəricisini 34 faiz üstələyib.
Tranzit yükdaşımalarda Şərq-Qərb dəhlizi üzrə 48 faiz (398 min 508 ton), Şimal-Cənub istiqaməti üzrə 26 faiz (55 min 72 ton), Şimal-Qərb istiqaməti üzrə isə 19 faiz (236 min 480 ton) artım qeydə alınıb.
Bölmənin digər xəbərləri
