AĞSUDA GƏLƏN İLİN MƏHSULU ÜÇÜN 27,8 MİN HEKTARDA TAXIL ƏKİLMİŞDİR
Rayonun torpaq mülkiyyətçiləri gələn ilin yüksək məhsulu üçün möhkəm zəmin yaratmışlar. Belə ki, rayon üzrə 27,8 min hektarda taxıl əkilmiş, əkin sahələri ötən ildəkindən 2 min149 hektar artmışdır. Səpində yerli şərait üçün daha əlverişli olan “Qiymətli”, “Bərəkətli”, habelə “Faktor”, “Kroşka” toxum sortlarından istifadə edilmişdir. Rayonda 3 toxumçuluq təsərrüfatı fəaliyyət göstərir. Ağsu şəhəri, Gəgəli və Keşdiməz kəndləri ərazilərində yaradılan təsərrüfatlarda yüksək repreduksiyalı toxumlardan istifadə olunmuş, əkinə hazırlıq işləri və səpin mütəxəssislərin nəzarəti ilə yüksək aqrotexniki qaydada aparılmışdır. Bu təsərrüfatlar gələn mövsümdə əkinçilərin elit toxumlarla təminatına xeyli kömək göstərəcəkdir.
Payız əkini kampaniyasında bu il rayonda yaradılmış “Aqrotexservis” də fəal iştirak etmişdir. Belə ki, bu quruma məxsus 20-dən çox yeni texnika istər şum çıxarılmasında, istərsə də səpində fermerlərə və fiziki şəxslərə yardım göstərmişdir.
Bölmənin digər xəbərləri
