AKADEMİK ZƏRİFƏ ƏLİYEVANIN XATİRƏSİ BƏRDƏLİLƏRİN QƏLBİNDƏ YAŞAYIR
Bərdədəki Milli İdeologiya Mərkəzində dünya şöhrətli oftalmoloq, alim, tanınmış ictimai xadim, akademik Zərifə Əliyevanın xatirəsinə həsr olunmuş xüsusi guşə yaradılmışdır.
Mərkəzdən AZƏRTAC-ın müxbirinə bildirmişlər ki, buradakı fotoşəkillərdə, müxtəlif eksponatlarda akademikin keçdiyi şərəfli ömür yolundan bəhs olunur. Guşədə insanları dünya işığına həsrətdən xilas edən görkəmli oftalmoloq alim haqqında yazılmış kitablar, jurnal və qəzet məqalələri, xatirələr də toplanmışdır.
Rayonda görkəmli alimin anadan olmasının 80 illiyinə geniş hazırlıq görülür, xatirə gecələri keçirilir. Bərdəlilər dünya şöhrətli oftalmoloq alimi unutmur, onun xatirəsini əziz tutur, böyük şəxsiyyəti hörmət və ehtiramla yad edirlər.
Yaxın günlərdə bütün Bərdəlilərin sevimlisi olan akademik Zərifə Əliyevanın xatirəsinə həsr olunmuş ümumrayon yubiley tədbiri keçiriləcəkdir.
Bölmənin digər xəbərləri
