Albukerka şəhərində güclü partlayış baş verib, bir nəfər həlak olub
Vaşinqton, 5 fevral, AZƏRTAC
Bazar ertəsi Nyu-York ştatının Albukerka şəhərində, ticarət mərkəzinin yaxınlığında güclü partlayış baş verib.
AZƏRTAC xəbər verir ki, hadisə yerinə polis gələndən sonra yaxınlığındakı müəssisə və mağazalarının işçiləri, habelə yerli sakinlər təxliyə edilib. Ərazini müayinə etmək üçün mühəndis bölmələrinin mütəxəssisləri də cəlb edilib.
Hüquq-mühafizə orqanları nümayəndələrinin sözlərinə görə, partlayış nəticəsində azı bir nəfər həlak olub. Onun cəsədi partlayış yerində tapılıb, lakin şəxsiyyəti hələ elan edilməyib.
Polis onu da bildirib ki, partlayış nəticəsində başqa zərərçəkən yoxdur. Hadisənin səbəbləri barədə polisin məlumatı yoxdur.
Yusif Babanlı
AZƏRTAC -ın xüsusi müxbiri
Vaşinqton
Bölmənin digər xəbərləri
