ALİ MƏKTƏB TƏLƏBƏLƏRİNİN BƏDİİ YARADICILIQ FESTİVALININ YEKUN KONSERTİ OLMUŞDUR
AZƏRTAC xəbər verir ki, mayın 1-də Azərbaycan Dövlət Musiqili Komediya Teatrında ulu öndər Heydər Əliyevin 85 illik yubileyi ilə əlaqədar Təhsil Nazirliyi və Təhsil İşçiləri Azad Həmkarlar İttifaqı Respublika Komitəsinin birgə qərarı ilə keçirilən ali məktəb tələbələrinin bədii yaradıcılıq festivalının yekun konserti olmuşdur.
Əvvəlcə ümummilli lider Heydər Əliyevə həsr olunan film nümayiş etdirilmişdir.
Artıq 3 ildir ki, keçirilən fevstivalda Bakı Dövlət, Azərbaycan Dillər universitetlərinin və digər ali məktəblərin kollektivləri müxtəlif proqramlarla çıxış edərək, öz bacarıqlarını nümayiş etdirirlər.
Festivalda tələbələrin ifasında ulu öndər Heydər Əliyevin ən çox sevdiyi əsərlər və bəstəkar mahnıları səslənmişdir.
Gənclərin estetik tərbiyəsində mühüm əhəmiyyət daşıyan bu cür festivallara gələcəkdə respublikamızın bütün regionlarının ali məktəblərinin qatılacağı nəzərdə tutulur.
Bölmənin digər xəbərləri
