Alman pasportu populyarlığını qoruyub saxlayır
Berlin, 21 iyul, AZƏRTAC
Alman pasportu “Henley Pasport İndeksi 2023”də dünyanın 190 ölkəsinə qapı açan İtaliya və İspaniya pasportları ilə yanaşı ikinci yerdədir.
AZƏRTAC bu sahədə illik reytinqi tərtib edən “Henley & Partners” London hüquq firmasının məlumatlarına istinadla xəbər verir ki, yalnız Sinqapur pasportu daha çox sayda - 192 ölkəyə çıxışı təmin edir.
Beləliklə, Sinqapur pasport reytinqində birinci yerə çıxıb. Beş il ərzində ən yaxşı pasport adı indi Finlandiya, Fransa, Lüksemburq, İsveç, Cənubi Koreya və Avstriya ilə yanaşı üçüncü yerdə qərarlaşan Yaponiyaya məxsus olub. Bu ölkələrdə pasport sahibləri viza almadan 189 ölkəyə daxil ola bilərlər. Bu, o deməkdir ki, onlar həm vizasız giriş, həm də daxil olarkən sadələşdirilmiş qeydiyyat əldə edirlər. Bu ilin sonuna qədər qəbul edilməli olan vətəndaşlıq haqqında yeni qanunvericilik Avropa İttifaqının vətəndaşları olmayan əcnəbilərin qüvvədə olan pasportlarına əlavə olaraq, Almaniyada alman pasportunun əldə edilməsini qismən asanlaşdırmağa yönəlib.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
