ALMANİYA BANKINDAN YARIKOMMERSİYA KREDİTİ
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Almaniyanın KFW bankı Mingəçevirdəki Azərbaycan İstilik Elektrik Stansiyasından İmişlidə yerləşən yardımçı stansiyaya 195 kilometr uzunluğunda elektrik ötürücü xəttinin çəkilişi layihəsinin həyata keçirilməsi üçün 30 milyon avro məbləğində yarıkommersiya krediti ayırmaq niyyətindədir.
Layihə üzrə texniki cəhətlər tamamilə razılaşdırılmış, əsas diqqət müqavilənin maliyyə bəndlərinə yönəlmişdir. Milli elektroenergetika baş idarəsinə təqdim olunmuş iki alternativ variant tarif və risk faizinə görə fərqlənir.
Tərəflər layihə çərçivəsində əməkdaşlığa hazır olduqlarını və onun tezliklə reallaşmasının vacibliyini təsdiq etmişlər.
Bölmənin digər xəbərləri
