ALTI AY ƏRZİNDƏ RESPUBLİKADA 890 YOL-NƏQLİYYAT HADİSƏSİ ZAMANI 270 NƏFƏR HƏLAK OLMUŞDUR
Baş Dövlət Yol Polisi İdarəsinin rəisi, general-mayor Ramiz Zeynalov AZƏRTAC-ın müxbirinə bildirmişdir ki, hadisələr zamanı 270 nəfər həlak olmuş, 994 nəfər müxtəlif dərəcəli xəsarət almışdır. Bu rəqəmlər də ötən ilin 6 ayı ilə müqayisədə, müvafiq surətdə, 27,3 və 6,1 faiz artmışdır. Bu əsasən ölkəmizin paytaxında baş vermiş qəzaların çoxalması ilə bağlıdır. Ölümlə nəticələnən kriminal xarakterli yol-nəqliyyat hadisələrinin artımı əsasən Bakının Nizami, Qaradağ, Səbail, eləcə də Şəmkir, Hacıqabul, Goranboy və Lənkəran rayonlarında qeydə alınmışdır.
