ANTİİNHİSAR SİYASƏTİ ÜZRƏ DÖVLƏTLƏRARASI ŞURANIN 27-Cİ İCLASI KEÇİRİLMİŞDİR
İqtisadi İnkişaf Nazirliyinin mətbuat xidmətindən AZƏRTAC-a bildirmişlər ki, Kişinyovda MDB ölkələri Antiinhisar Siyasəti üzrə Dövlətlərarası Şuranın 27-ci, MDB ölkələrində antiinhisar qanunvericiliyin pozulması hallarının birgə araşdırılması üzrə işçi qrupunun isə 6-cı iclası keçirilmişdir.
MDB dövlətlərinin antiinhisar orqanlarının, beynəlxalq təşkilatların və bir sıra xarici ölkələrin nümayəndələrinin qatıldığı iclaslarda ölkəmizi İqtisadi İnkişaf Nazirliyi yanında Antiinhisar Dövlət Xidmətinin rəisi Samir Dadaşov və müavini Araz Əliyev təmsil etmişlər.
Şuranın 27-ci iclasında MDB dövlətləri üçün ümumi əhəmiyyət kəsb edən məsələlər müzakirə olunmuş, üzv ölkələrin taxıl və taxıl məhsulları bazarında birgə araşdırmalar aparılması və növbəti iclasda nəticələrin müzakirə olunması barədə qərar qəbul edilmişdir.
Tədbir çərçivəsində Moldovanın Rəqabətin Qorunması üzrə Milli Agentliyinin təşkil etdiyi “Qloballaşma şəraitində rəqabət mühiti” mövzusunda beynəlxalq konfrans da keçirilmişdir.
Bölmənin digər xəbərləri
