“ARŞIN MAL ALAN” ANKARA SƏHNƏSİNDƏ
Dahi bəstəkarımız Üzeyir Hacıbəyovun “Arşın mal alan” musiqili komediyası Ankara Dövlət Opera və Balet Teatrının səhnəsində ilk dəfə tamaşaya qoyulmuşdur. Əsərə Azərbaycan Dövlət Opera və Balet Teatrının baş rejissoru Hafiz Quliyev quruluş vermiş, baş rolları Şenol Talınlı, Funda Atəşoğlu, Bülənt Atəşoğlu ifa etmişlər. Tamaşa böyük müvəffəqiyyətlə keçmişdir. Türkiyənin dövlət naziri Əbdüllətif Şənər, mədəniyyət naziri Hüseyn Çelik, Azərbaycanın Ankaradakı səfirliyinin əməkdaşları, dost ölkənin tanınmış elm, ədəbiyyat və incəsənət xadimləri, burada təhsil alan azərbaycanlı tələbələr tamaşada olmuşlar.
Tural Rzayev
AZƏRTAC-ın xüsusi müxbiri
Ankara
Bölmənin digər xəbərləri
