Asiya İnfrastruktur İnvestisiya Bankı Nepala kredit ayırıb
Pekin, 7 iyun, AZƏRTAC
Azərbaycanın təsisçi-üzv olduğu Asiya İnfrastruktur İnvestisiya Bankının (AİİB) Direktorlar Şurası Nepala 90 milyon ABŞ dollar kredit ayrılmasını təsdiqləyib.
AZƏRTAC bankın Pekindəki mənzil-qərargahına istinadla xəbər verir ki, AİİB-in Nepala ayırdığı ilk kredit Triçuli çayı üzərində 216 meqavat gücündə su elektrik stansiyasının inşasına yönəldiləcək. Bu, ölkənin geneasiya gücünü təxminən 20 faiz çoxaldacaq.
Qeyd edək ki, AİİB 100 milyard dollar nizamnamə kapitalı ilə Asiyada enerji, nəqliyyat, şəhərsalma, su təchizatı, logistika, telekommunikasiya, kənd təsərrüfatı, ətraf mühit və digər sahələr üzrə infrastruktur layihələrini maliyyələşdirir. Bank fəaliyyətə başladığı vaxtdan indiyədək Azərbaycan da daxil olmaqla, müxtəlif ölkələrə 40 layihəyə, ümumilikdə, 8,05 milyard dollar kredit ayırıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
