ASTARADA AKADEMİK ZƏRİFƏ ƏLİYEVANIN 85 İLLİYİNƏ HƏSR OLUNMUŞ ELMİ-PRAKTİK KONFRANS KEÇİRİLMİŞDİR
AZƏRTAC-ın müxbiri xəbər verir ki, aprelin 26-da Astara rayon mədəniyyət evində görkəmli oftalmoloq, alim akademik Zərifə Əliyevanın 85 illiyinə həsr olunmuş elmi-praktik konfrans keçirilmişdir.
İştirakçılar əvvəlcə şəhərin mərkəzi meydanında ümummilli liderimiz Heydər Əliyevin abidəsi önünə gül dəstələri qoymuş, ulu öndərin xatirəsini ehtiramla yad etmişlər.
Konfransı açan rayon icra hakimiyyəti başçısının müavini Natiq İbadov ümummilli lider Heydər Əliyevin Astara rayonuna etdiyi 10 səfərin 7-də Zərifə xanımla gəldiyini bildirmiş, görkəmli alimin astaralıların yaddaşında nəcib və qayğıkeş insan kimi qaldığını vurğulamışdır.
Tədbir iştirakçıları Zərifə xanım Əliyevanın xatirəsi birdəqiqəlik sükutla anılmışdır. Konfransda rayon mərkəzi xəstəxanası poliklinika şöbəsinin müdiri Fuad Səmədovun “Böyük alim, pedaqoq, gözəl ana, akademik Zərifə xanım Əliyevanın həyat və fəaliyyəti”, baş həkimin müavini Kərim Nəzərovun “Akademik Zərifə xanım Əliyevanın müasir oftalmologiya elminin inkişafında rolu” mövzularında məruzələri dinlənilmişdir.
Çıxış edənlər 150-dən artıq elmi əsərin, o,cümlədən monoqrafiyaların müəllifi olan akademik Zərifə Əliyevanın elmi və ictimai fəaliyyətini yüksək qiymətləndirmiş, onunla bağlı xatirələrini danışmışlar,
Bölmənin digər xəbərləri
