“ATALİZİNQ” ASC-NİN FAİZLİ ADLI SƏNƏDSİZ İSTİQRAZLARININ EMİSSİYA PROSPEKTİ QEYDƏ ALINMIŞDIR
AZƏRTAC xəbər verir ki, Azərbaycan Respublikasının Prezidenti yanında Qiymətli Kağızlar üzrə Dövlət Komitəsi “AtaLizinq” Açıq Səhmdar Cəmiyyətinin ümumi məbləği 500 min manat, hər birinin nominal dəyəri min manat, istiqraz üzrə gəlirliliyi 14 faiz, tədavül müddəti 1080 gün olan faizli adlı sənədsiz istiqrazların emissiya prospektini qeydə almışdır.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjasında həyata keçiriləcəkdir. “AzərİnterTreyd” MMC istiqrazların yerləşdirilməsində anderrayter vəzifəsində çıxış edir.
İstiqrazları əldə etmək istəyən şəxslər BFB-nin üzvü və broker lisenziyasına malik olan təşkilata müraciət edə bilərlər.
“AtaLizinq” ASC-nin istiqrazlarının emissiya prospekti BFB-nin internet saytında yerləşdiriləcəkdir.
