AZƏRBAYCAN HƏRBÇİLƏRİ NATO-NUN BİR SIRA TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO ilə Azərbaycan arasında imzalanmış fərdi proqrama uyğun olaraq, “Sülh naminə tərəfdaşlıq” proqramı çərçivəsində aprelin 21-dən Avstriyanın Alleşteyn şəhərində “Əməliyyat imkanları konsepsiyasının qiymətləndirmə və rəy proqramı üzrə qiymətləndiricilər üçün təlim” kursu keçirilir.
Kurs aprelin 25-dək davam edəcəkdir.
Bu proqram çərçivəsində Madriddə quru qoşunları qərargah zabitləri üçün qərargah təcrübəsi ilə bağlı kurs, Bakıda Planlaşdırma və analiz prosesi və Fərdi tərəfdaşlığın Əməliyyat planı üzrə qiymətləndirmə kursu, Lvov şəhərində “Rapid Trident-08” təliminin əsas planlaşdırma konfransı keçirilir.
Tədbirlərdə Azərbaycan Silahlı Qüvvələrinin nümayəndələri iştirak edirlər.
Bölmənin digər xəbərləri
