AZƏRBAYCAN İLƏ İRAN ARASINDA ENERGETİKA SEKTORUNDA ƏMƏKDAŞLIQ DAVAM ETDİRİLƏCƏKDİR
AZƏRTAC xəbər verir ki, Azərbaycanda rəsmi səfərdə olan İran İslam Respublikasının energetika naziri Seyid Pərviz Fəttah jurnalistlərin suallarını cavablandırarkən demişdir ki, səfər çərçivəsində əsas diqqət iki ölkə arasında energetika sektorunda əməkdaşlığın inkişaf etdirilməsi məsələlərinə yönəldiləcəkdir.
Azərbaycanın Sənaye və Energetika Nazirliyinin dəvəti ilə ölkəmizə səfər etdiyini bildirən İran İslam Respublikasının energetika naziri vurğulamışdır ki, bir çox sahələrdə olduğu kimi, enerji sahəsində də iki ölkə arasında yaxşı münasibətlər mövcuddur. İlin altı ayı ərzində Azərbaycandan elektrik enerjisi alırıq və yerdə qalan altı ay ərzində də bu enerjini geri qaytarırıq.
Naxçıvana elektrik enerjisinin ötürülməsi barədə danışan nazir demişdir ki, bu proses bundan sonra da davam etdiriləcəkdir.
Seyid Pərviz Fəttah bildirmişdir ki, Araz çayı üzərində elektrik stansiyasının tikilməsi ilə bağlı razılıq vardır və bu layihə yaxın vaxtlarda reallaşacaqdır.
Bölmənin digər xəbərləri
