Azərbaycan ilə Türkmənistan arasında çox sıx və mehriban qardaşlıq münasibətləri var
Tbilisi, 24 may, AZƏRTAC
Bu gün Azərbaycan ilə Türkmənistan arasında çox sıx və mehriban qardaşlıq münasibətləri var. Mövcud olan bu münasibətlər hər iki ölkənin xaricdəki səfirliklərinə, eləcə də Gürcüstandakı səfirliklərinə əməkdaşlığı daha da möhkəmləndirmək və inkişaf etdirmək üçün geniş imkanlar açıb.
Bu sözləri AZƏRTAC-a müsahibəsində Türkmənistanın Gürcüstandakı səfiri Dövlətmurat Seyitməmmədov söyləyib.
Səfir deyib ki, hər il mayın 5-i Azərbaycanda “Xalçaçı Günü”, may ayının sonuncu bazar günü isə Türkmənistanda “Türkmən Xalçası Günü” qeyd olunur. “Biz bu iki günün şərəfinə Tbilisidə xalçalarımızın və digər əl işlərimizin birgə sərgisini açdıq. Bu eksponatlar həm Orta Asiya, həm də Cənubi Qafqaz bölgəsinin zəngin mədəni irsini əks etdirir və ziyarətçilərə xalqlar arasında tarixi-mədəni əlaqələri yaxından tanımaq imkanı yaradır.
Düşünürəm ki, bu cür tədbirlər həm mədəni əlaqələrimizin inkişafında, həm ortaq mədəniyyətimizin, xalçaçılıq ənənələrimizin təbliğində öz töhfəsini verəcək”, - deyə diplomat qeyd edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
