AZƏRBAYCAN JURNALİSTLƏRİNİN V QURULTAYINA HAZIRLIQ İŞLƏRİ DAVAM EDİR
Mətbuat Şurasından AZƏRTAC-a bildirmişlər ki, Azərbaycan jurnalistlərinin V qurultayının keçirilməsi üzrə Təşkilat Komitəsi ali məclisə hazırlıq işlərini davam etdirir. Bu məqsədlə formalaşdırılmış işçi qrupuna konkret təlimatlar verilmişdir.
Mətbuat Şurasının təsisçisi olan KİV redaksiyalarına məktublar hazırlanmışdır. Yaxın zamanlarda qrupun üzvləri sənədlərin ünvanlarına tam çatdırılması prosesini yekunlaşdıracaqlar. Məktublarda təsisçi KİV-lərin qurultayla bağlı üzərlərinə düşən vəzifələr bir daha onların nəzərlərinə çatdırılmışdır.
Qurultayda gündəlik qəzetlərdən, informasiya agentliklərindən və jurnalist təşkilatlarından 2, həftəlik və aylıq qəzetlərdən, jurnallardan 1 nümayəndənin iştirakı nəzərdə tutulmuşdur. Ali məclisdə MŞ İdarə Heyəti əvvəlki qaydada 9 jurnalistdən, 6 ictimaiyyət təmsilçisindən formalaşdırılacaqdır. Səsvermə bülletenlərinə isə 27 jurnalistin, 18 ictimaiyyət nümayəndəsinin adı daxil ediləcəkdir ki, onların kimlər olacağı Təşkilat Komitəsi tərəfindən KİV-lərə təqdim edilən cədvəllər əsasında məlum olacaqdır.
Bölmənin digər xəbərləri
