AZƏRBAYCAN NÜMAYƏNDƏSİ BEYNƏLXALQ MƏRKƏZİN ŞURA ÜZVÜ SEÇİLMİŞDİR

24.11.2003 [13:43]
Çap et
A⁺ A^-

Mədəniyyət Nazirliyinin mətbuat xidmətindən AZƏRTAC-a bildirmişlər ki, noyabrın 19-21-də İtaliyanın paytaxtı Roma şəhərində Mədəni Dəyərlərin Qorunması və Bərpasının Tədqiqatı üzrə Beynəlxalq Mərkəzin (İKKROM) XXIII Baş assambleyası keçirilmişdir. Azərbaycan 2002-ci ilin fevralından bu nüfuzlu beynəlxalq təşkilatın həqiqi üzvü olsa da, Assambleyada ilk dəfə təmsil edilmişdir.

106 dövlətin daxil olduğu İKKROM-da 24 ölkənin nümayəndəsi 4 il müddətinə təşkilatın Şurasına üzv seçilir. Hazırda 12 dövlətin nümayəndəsinin üzvlük müddəti bitdiyindən, İKKROM-un Şurasına üzv seçilmək üçün Baş assambleyaya 12 yeni nümayəndə tövsiyə edilmişdir. Mədəniyyət Nazirliyinin Abidələrin qorunması, bərpası və istifadəsi baş idarəsinin rəisi Rizvan Bayramov da yekdilliklə təşkilatın Şurasına üzv seçilmişdir.

AZƏRBAYCAN NÜMAYƏNDƏSİ BEYNƏLXALQ MƏRKƏZİN ŞURA ÜZVÜ SEÇİLMİŞDİR

MÜƏLLİFLƏ ƏLAQƏ

Bölmənin digər xəbərləri