AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zati-aliləri, Uzun illər Azərbaycan Respublikasının Prezidenti olmuş Heydər Əliyevin vəfatı ilə əlaqədar Sizin üçün bu hüznlü gündə bolqar xalqı adından və mənim adımdan ən səmimi başsağlığımızı qəbul etməyinizi xahiş edirəm və dərdinizə şərik olduğumuzu bildirirəm. Hörmətli siyasətçi və dövlət xadimi kimi Heydər Əliyevin adı və nüfuzu Azərbaycan Respublikasının beynəlxalq birlikdə qazandığı layiqli yerlə qırılmaz surətdə bağlı olacaqdır. Biz müasir beynəlxalq gerçəklik şəraitində Bolqarıstan-Azərbaycan dostluq münasibətlərinin inkişafına və möhkəmlənməsinə Heydər Əliyevin böyük şəxsi töhfəsini yüksək qiymətləndiririk. Heydər Əliyevin nurlu xatirəsi qarşısında baş əyirəm! Georgi Pırvanov, Bolqarıstan Respublikasının Prezidenti Sofiya, 14 dekabr 2003-cü il
Bölmənin digər xəbərləri
