İran ABŞ-nin regiondakı texnoloji infrastrukturunu hədəfə ala biləcəyi barədə xəbərdarlıq edib
Bakı, 12 oktyabr, AZƏRTAC
İran ABŞ-nin ölkəyə növbəti hücumu baş verəcəyi təqdirdə, regiondakı Amerika texnoloji infrastrukturunun hədəfə çevrilə biləcəyini bəyan edib.
AZƏRTAC xəbər verir ki, bu barədə İranın Ali Milli Təhlükəsizlik Şurasının katibi Möhsün Rzayi bildirib.
Onun sözlərinə görə, regionda yerləşən ABŞ-yə məxsus sualtı kabellər, məlumat mərkəzləri və süni intellekt infrastrukturu daxil olmaqla, texnoloji obyektlərin ümumi dəyəri 2 trilyon dolları ötür.
Rzayi qeyd edib ki, bu obyektlər hələlik hədəf siyahısına daxil edilməyib, lakin hərbi qarşıdurma yenidən başlayarsa, İran daha genişmiqyaslı tədbirlər görə bilər.
O, həmçinin İranın əlavə hərbi qüvvələr yerləşdirməyə hazır olduğunu bildirib və münaqişənin nəticəsinin ölkənin müqavimətindən asılı olacağını vurğulayıb.
Bölmənin digər xəbərləri
