AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Heydər Əlirza oğlu Əliyevin vəfatı ilə əlaqədar çoxmillətli Başqırdıstan xalqı adından dərin hüznlə başsağlığı verirəm. Bütün respublika bu əvəzsiz itki barədə xəbərdən sarsılmışdır və Azərbaycan Respublikasının sakinləri, mərhumun doğmaları və yaxınları ilə birlikdə kədərlənir.
Heydər Əlirza oğlu böyük siyasətçi, dahi dövlət rəhbəri və vətənpərvər, gözəl, istedadlı insan kimi məşhur idi. Sovet dövlətinin, sonralar MDB-nin və Azərbaycan Respublikasının tarixinin bir çox parlaq və əhəmiyyətli səhifələri onun adı ilə bağlıdır.
Heydər Əlirza oğlu Əliyevin nurlu xatirəsi qəlbimizdə həmişəlik qalacaqdır.
Murtaza Rəhimov
Başqırdıstan Respublikasının Prezidenti
Ufa,13 dekabr 2003-cü il.
Bölmənin digər xəbərləri
