AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Prezident Heydər Əliyevin vəfatı ilə əlaqədar Bolqarıstan Sosialist Partiyası rəhbərliyi adından və şəxsən öz adımdan səmimi başsağlığımı qəbul etməyinizi xahiş edirəm.
Ən yaxın, əziz adamınızın vəfatı ilə əlaqədar Sizin şəxsi kədərinizə və alilənizin kədərinə şərikik.
Heydər Əliyev bizim yaddaşımızda Azərbaycan xalqının ləyaqətli, butün həyatını ölkəsinin inkişafına və çiçəklənməsinə həsr etmiş oğlu kimi qalacaqdır. Son on ildə Azərbaycandakı demokratik dəyişikliklər məhz onun adı ilə bağlıdır və o, haqlı olaraq, müasir Azərbaycanın memarı hesab edilir.
Heydər Əliyev öz ölkəsinin hüdudlarından kənarda, beynəlxalq aləmdə də böyük nüfuz və hörmət sahibi olan parlaq siyasətçi kimi tanınmışdır.
Biz Bolqarıstan xalqının böyük dostunun həyatdan getməsinə səmimi qəlbdən kədərlənirik.
Hörmətlə,
Sergey Stanişev
Bolqarıstan Sosialist Partiyası
Ali Şurasının sədri
Sofiya, 15 dekabr 2003-cü il.
Bölmənin digər xəbərləri
