AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Pakistan hökuməti, xalqı və öz adımdan mən istərdim ki, Zati-alinizə Prezident cənab Heydər Əliyevin vəfatı ilə bağlı səmimi başsağlığı ifadə edim.
Prezident Heydər Əliyev Azərbaycanı müstəqillikdən sonra nümunəvi bir tərzdə irəli apardı. Azərbaycan xalqının etimadı və inamı onun alicənab liderlik keyfiyyətlərinə sayğının nümunəsi idi. Pakistan hökuməti və xalqı ölkələrimiz arasında yaxın və səmimi münasibətlərin inkişafı üçün görkəmli töhfələrinə görə Prezident Heydər Əliyevi daim yadda saxlayacaqdır.
Qoy Allah onun köçmüş ruhuna daimi rahatlıq bəxş etsin, ağır itkiyə məruz qalmış ailənizə bu sağalmaz yaraya dözməyə güc versin.
Mən Zati-alinizə ən xoş arzularımı yetirmək istərdim. Sizə cansağlığı və xoşbəxtlik, Azərbaycan xalqına əmin-amanlıq, davamlı tərəqqi və firavanlıq arzu edirəm.
Mir Zəfərulla Xan Camali
Pakistan İslam Respublikasının Baş naziri
14 dekabr 2003-cü il.
Bölmənin digər xəbərləri
