AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Sənə, ailənə və bütün Azərbaycan xalqına üz vermiş ağır kədərlə əlaqədar dərin hüznlə başsağlığımızı lütfən qəbul edin.
Sən görkəmli və sevimli atanı, Azərbaycan isə ədalətli və qayğıkeş atanı itirmişdir. Heydər Əlirza oğlunun öz həyat və peşə yolunu necə ləyaqətlə keçməsi ona bütün dünyada insanların dərin hörmətini qazandırmışdır.
Heydər Əlirza oğlunun Bakıda görüşümüzdən sonra fotoşəklin üstündə mənə yazdığı xoş, xeyir-dualı sözləri və onun Nyu-Yorkda BMT-nin 50 illiyi münasibətilə bayram şənliklərində iştirakı zamanı mənə göstərdiyi mehribanlığı həmişə minnətdarlıqla xatırlayır və qəlbimdə saxlayıram.
Xahiş edirəm, dərin hüznlə başsağlığımızı bacına və bütün ailənə yetir. Mətanətli ol.
Şübhəm yoxdur ki, Heydər Əlirza oğlunun bütün ömrünü həsr etdiyi işi davam etdirə və möhkəmləndirə biləcəksən.
Hörmətlə Sənin,
David Çikvaidze və ailəsi
BMT-nin İnsan Hüquqları üzrə Ali
Komissiyasının üzvü.
Cenevrə, 15 dekabr 2003-cü il.
Bölmənin digər xəbərləri
