AZƏRBAYCAN RESPUBLİKASININ PREZİDENTİZATİ-ALİLƏRİ CƏNAB İLHAM ƏLİYEVƏ
Atanızın – Zati-aliləri Prezidentin, nurlu ruhu Allahın dərgahına ucalan cənab Heydər Əliyevin vəfatı xəbərini dərin təəssüf və kədər hissi ilə qarşıladıq.
O, ömrünün son illəri ərzində də öz Vətəninə və xalqına xidmət işində qüvvə və bacarığını əsirgəmədi, xeyirxah işlərlə məşğul oldu. Bütün bunları Azərbaycan xalqının gələcək nəsilləri minnətdarlıqla xatırlayacaqlar.
Fələstin xalqı, onun rəhbərliyi adından və şəxsən öz adımdan Zati-alinizə və Sizin simanızda hörmətli hökumətinizə və qardaş Azərbaycan xalqına səmimiyyətlə, qardaşcasına başsağlığı veririk, Ulu Tanrıdan mərhuma mərhəmət göstərməyi və Əbədi Cənnətdə yerləşdirməyi diləyirik. Biz Allahdan Azərbaycan xalqına və hörmətli hökumətinizə səbr və əcr verməyi də diləyirik.
Yasir Ərəfat
Fələstin dövlətinin Prezidenti, Fələstin
Azadlıq Təşkilatı İcraiyyə Komitəsinin
sədri, Fələstin Milli Muxtariyyətinin sədri
Rəmallah, 13 dekabr 2003-cü il.
Bölmənin digər xəbərləri
