AZƏRBAYCANDA BEŞ AYDA ƏSAS KAPİTALA 2,7 MİLYARD MANAT MƏBLƏĞİNDƏ İNVESTİSİYA YÖNƏLDİLMİŞDİR
Dövlət Statistika Komitəsindən AZƏRTAC-a bildirmişlər ki, ölkədə inşaat işlərinin aparılması üçün bütün maliyyə mənbələrindən beş ayda əsas kapitala 2,7 milyard manat məbləğində investisiya yönəldilmiş, 1,6 milyard manat məbləğində tikinti-quraşdırma işləri aparılmışdır. İnvestisiya qoyuluşu ötən ilin müvafiq dövrünə nisbətən 21,7 faiz, tikinti-quraşdırma işlərinə sərf olunmuş vəsaitin məbləği isə 35,5 faiz artmışdır.
Əsas kapitala yönəldilmiş vəsaitin 1,7 milyard manatını (64,1 faiz) daxili investisiyalar təşkil etmiş və bu, ötənilki səviyyədən 49,9 faiz yüksək olmuşdur. Xarici investisiya isə 8,8 faiz azalmışdır.
Cari ildə inşaat işləri üçün dövlət büdcəsindən ayrılması nəzərdə tutulmuş 4.326,3 milyon manat vəsaitin 898,2 milyon manatından (20,8 faiz) istifadə olunmuşdur.
Bölmənin digər xəbərləri
