AZƏRBAYCANDA “RİA NOVOSTİ” GÜNLƏRİ BAŞA ÇATMIŞDIR

22.12.2006 [21:36]
Çap et
A⁺ A^-

AZƏRTAC xəbər verir ki, dekabrın 22-də Azərbaycanda “RİA Novosti” günlərinə yekun vurulmuşdur. Beş gün davam edən günlərin yekun tədbiri agentliyin ölkəmizdə fəaliyyətə başlamış filialının təqdimat mərasimi olmuşdur. Mərasimdə “RİA Novosti” agentliyinin baş redaktoru Svetlana Mironyuk, baş redaktorun müavini Aleksandr Babitski, Bakı filialının rəhbəri M.Yenin, agentliyin MDB və Baltikyanı ölkələr baş redaksiyasının müdiri A.Kasayev, “Exo Moskvı” radiostansiyasının baş redaktoru A.Venediktov, Azərbaycanın aparıcı KİV-lərinin nümayəndələri iştirak etmişlər.

“RİA Novosti”nin baş redaktoru S.Mironyuk Azərbaycan Prezidenti İlham Əliyev tərəfindən qəbul edildiyini və bu görüşdən çox böyük təəssüratla qayıtdığını bildirmişdir. O demişdir: “Azərbaycan Prezidenti İlham Əliyev Bakıda 9 körpünün tikintisi ilə bağlı proqram həyata keçrildiyini bildirdi. Mən dedim ki, körpülərin sayı 9 deyil, ondur. Çünki bizim saldığımız virtual elektron informasiya körpüsü təkcə birtərəfli hərəkətə xidmət etməyəcəkdir. Biz təkcə Rusiyada Azərbaycan haqqında danışmayacağıq. Bizim resurslar vasitəsilə bu informasiyanı 12 dildə yaymaq imkanımız olacaqdır”.

Agentliyin baş redaktorunun müavini A.Babitski demişdir ki, “RİA Novosti” üçün informasiya mübadiləsi çox vacibdir. O ümidvar olduğunu bildirmişdir ki, yerli jurnalistlər agentliyin informasiya meydançasından fəal istifadə edəcəklər.

Xatırladaq ki, dekabrın 20-də başlanan “RİA Novosti” günləri çərçivəsində “RİA Novosti”nin Bakı filialı, “Azərbaycan xəbərləri” beynəlxalq informasiya agentliyi və beynəlxalq mətbuat mərkəzi açılmışdır.

AZƏRBAYCANDA “RİA NOVOSTİ” GÜNLƏRİ BAŞA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri