AZƏRBAYCANDAKI RUS MƏDƏNİYYƏTİ MƏRKƏZİ İSTEDADLAR AXTARIR
Azərbaycanda Rus Mədəniyyəti Mərkəzindən AZƏRTAC-a bildirmişlər ki, Rusiya səfirliyinin təşkilati dəstəyi ilə mayın 10-dan 25-dək ölkəmizdə peşəkar vokalçılar və özfəaliyyət kollektivləri arasında “Qəlbin çeşməsi” musiqi müsabiqəsi keçiriləcəkdir.
Mərkəzin əməkdaşı Rudolf Şitkinin dediyinə görə, müsabiqə iki turdan ibarət olacaqdır. Birinçi turda peşəkarlar, ikinçi turda isə özfəaliyyət kollektivləri çıxış edəcəklər. Müsabiqə iştirakçılarına müxtəlif janrlarda 3 mahnı (iki mahnı rus dilində, bir mahnı Azərbaycan dilində) ifa etmək təklif olunacaq. Qaliblər birinci yerə görə 150 manat, ikinci yerə görə 100 manat, üçüncü yerə görə 50 manat həcmində mükafatlandırılacaqlar.
Müsabiqə iştirakçılarının çıxışlarını peşəkar müğənnilərdən və Bakı Musiqi Akademiyasının müəllimlərindən ibarət münsiflər heyəti qiymətləndirəcəkdir.
Bölmənin digər xəbərləri
