AZƏRBAYCANIN GƏNC İDMANÇILARI UNİVERSAL DÖYÜŞ ÜZRƏ DÜNYA ÇEMPİONATINDA 4 MEDAL QAZANMIŞLAR
AZƏRTAC xəbər verir ki, Rusiyanın Medın şəhərində 10-11, 12-13 yaş qrupunda oğlanlar arasında universal döyüş üzrə dünya birinciliyi başa çatmışdır. Turnirdə iştirak edən Azərbaycanın yeniyetmə idmançıları üç qızıl və bir bürünc medal qazanmışlar. 10-11 yaş qrupunda Royal Əliyev (28 kq) və Bəxtiyar Həsənli (31kq) qızıl medala layiq görülmüşlər. 12-13 yaş qrupunda isə turnir cədvəlində birinci yeri Cəmil Şabanov (40 kq) tutmuş, 3-cü yerə isə Abbas Əlizadə (35 kq) sahib olmuşdur.
Medında Azərbaycanın universal döyüş növü üzrə cəmi altı idmançısı çıxış etmişdir.
Bölmənin digər xəbərləri
