AZƏRBAYCANIN TANINMIŞ MUSİQİ XADİMLƏRİ ƏBU-ZƏBİDƏ KONSERT VERƏCƏKLƏR
Azərbaycanın Birləşmiş Ərəb Əmirliklərindəki səfirliyi iki ölkə arasında mədəni əlaqələrin genişləndirilməsi məqsədi ilə bu dövlətin müvafiq qurumlarının rəhbərliyi ilə görüşlər keçirərək milli mədəniyyətimizin və incəsənətimizin BƏƏ-də təbliği imkanlarını müzakirə etmişdir.
Səfirlikdən AZƏRTAC-a bildirmişlər ki, müzakirələr nəticəsində Azərbaycanın tanınmış incəsənət xadimləri Fərhad Bədəlbəyli, Fidan və Xuraman Qasımovaların BƏƏ-nin paytaxtı Əbu-Zəbi şəhərində konsert proqramı ilə çıxışına razılıq alınmışdır. Həmin konsert BƏƏ-nin ali təhsil və elmi tədqiqatlar naziri Şeyx Nəhyan bin Mübarək Əl Nəhyanın himayəsi altında martın 29-da Əbu-zəbi Mədəniyyət Fondunun “Grand Theatre” zalında keçiriləcəkdir.
BƏƏ-nin hökumət nümayəndələri, ölkədə akkreditə olunmuş xarici dövlətlərin səfirləri, xarici şirkətlərin əməkdaşları bu konsertə dəvət olunmuşlar.
Bölmənin digər xəbərləri
